Tillie ulapissaqaaq Mikaelili tunua tungaani piareersimassaaq

- Nuannerluinnarlunilu tupaallannarluinnarpoq. Inissinnissaa sapaatit akunneri sisamat affarlu atorlugit iluatsipparput. Nuannerluinnarpoq, siulittaasoq, Michael Rosing oqarpoq.

Inatsisartunili inissaq siulittaasumit inissiffigineqanngilaq, partiimili aallarteqataa Tillie Martinussen qinerneqarnerulluni.

- Isertitaqarnerput nuannaarutigilluinnarpara. Tillie nuannareqaara sunut tamanut pikkorilluinnarpoq. Taamaammat nuannaarpunga, Michael Rosing qinersinermi angusat pillugit oqarpoq.

AAMMA ATUARUK Neriulluarniarneq ataqatigiinnerlu

Tillie Martinussen Inatsisartuni partiiminit kisiartaalluni ulapittussanngorpoq.

- Ulapissaanga, ataatsimiinnissani immikkoortunut oqaaseqartartutut ilanngussassarpassuit inuup ataatsip suliarisassavai, taamaammat ulapissaqaanga, Tillie Martinussen oqarpoq.

Michel Rosingilu ikiuunnissamut piareersimanissaminik neriorsuivoq.

AAMMA ATUARUK Aajukua Inatsiartuni ilaasortanngortut

- Oqaseqartartutut suliassat tunuatungaaniit suliarineqassapput. taamaammat aalisarnermut tunngasut tamaasa uanga allaaserisassagikka qularnanngilaq, sukkasuumimmi suliarisinnaavakka. Soorunami aamma allaffimmiumik atorfinitsitsinissamut akissaqassaagut, taamaalilluta partiimi allattoqarfeqalissalluta. Partiiuvugummi aaqqissuussaq, tamannalu inuit assigiinngitsut susassaqarfinnut assigiinngitsunut ilisimasaqartut peqatigalugit aaqqissuutileruttorparput, siulittaasoq oqarpoq.

AAMMA ATUARUK Inatsisartut nutaat angutaannangajassuusut