Mingutsitsineq ulorianartorsiortitsinngitsoq nalunaarusiami naqissuserneqartoq
Sakkutooqarfik ilaatigut eqqaaveqarpoq uuliatortumillu kiassarneqarluni. Ukiut 66-it ingerlanerini ikummatissat kuutsinneqartarnerini nuna annertuumik mingutsinneqarsimasoq, suliffeqarfiup COWI'p 2014-imi 2016-imilu misissuinerisa takutippaat.
Misissuinerup 2016-imeersup nalunaarusiarineqarnerani erserpoq Daneborgip eqqaani mingutitsineq inunnik, uumasunik avatangiisinillu uloriarnartorsiortitsinngitsoq.
Allanngortoqarpallaassannginnersoq nalunarpoq. COWI isumaqarpoq ukiut arlaqanngitsut ingerlaneranni avatangiisinik misissueqqittoqartariaqartoq.
2014-imi misissuisimanerit siorna misissuinerup tapertalerpai. COWIp misissuinerit katikkamigit paasivaa maannakkorpiaq Daneborgip eqqaani dielseli 21.000 liiteri maangaannartinneqarsimasoq.
Taavani mingutsinneqarsimanngitsutut nalunaarutigineqartoq tassaavoq sakkutuut uumasullu imertangaat. 2014-imili misissuinermi kuummi qimmeqarfikkoortumi uuliamik nassaartoqarsimasoq, tassa qimmit imertagaanni. Nutaamilli misissuinermi nassaartoqarsimanngilaq.
AAMMA ATUARUK Siriusip alapernaarsuisuisa mingutsitsinerat misissuiffigineqalersoq
Taavanili sumiiffinni assigiinngitsuni mingingutitsineqarpoq. 2012-imi kuuffik putulik siumorneqarpoq, taanna aasami anoreqartinnagu dieselip aalaanik ima mingutitsisartigaaq allaat sakkutuut sivisuumik tassaniissagunik anersaartuuteqaqqusaasarsimasut nalunaarusiami allassimavoq.
Nunami pineqartumi kuuit ima mingutsinneqarsimatigaat, allaat qimmit qimmiaqqallu angalasut tamakkunannga imernissaat navianarsinnaalluni. Nalunaarusiamili eqqaaneqarpoq imeq allatut pissarsiarineqarsinnaammat tamanna ajornartorsiutaasariaqanngitsoq.
Daneborg kangerluup Young Sundip eqqaaniippoq sakkutooqarfiullu eqqaaniit mingutitsineq kangerlummut tassunga koorusaarpoq.
AAMMA ATUARUK Siriusikkormiut qimmeersertut
