Siriusikkormiut qimmeersertut
Issittumi Sakkutooqarfik taama ilisimatitsivoq. Allunaasamik kittorartoornikkut alapernaarsuisut qimmeerserput, tamannalu qullersaqarfimminnut kalerriutigaat. Siriusip alapernaarsuisuisa qimussillu allat qimmit 13-iusut nammineerlutik ujaraluarpaat.
Timmisartorlu Challengeri Issittup Sakkutooqarfiata ataani Luftgruppe Vestimeersoq, Issittumilu Sakkutooqarfiup suleqatigisaata Nordlandairip timmisartuutaa Twin Otteri ataasinngormat ullaap tungaani ujaasitinneqarput.
Qimmillu qimaasoorutigineqartut timmisartup Challengerip assiliissutaanik ataasinngormat ualikkut sumiissusersineqarput. Qimmeq ataaseq qiminneqarluni toqusimavoq pingasullu annikitsumik ajoqusersimallutik, taakkulu kingorna passunneqarput.
Siriusip alapernaarsuisuisa angalanertik marlunngormat qangeqqissinnaaasimavaat.
