Tikaagulliusaap saarngi Vejlemukaanneqassapput

Tikaagulliusaaq qanittumi Vejlemi sissilluni toqusoq oqallisaaqisorlu ukiortaareerpat qaammatini arlaqartuni Vejlemi saqqummersinneqassaaq. Saarngit Statens Naturhistoriske Museumip Vejlep kommunianut sivisuumik atukkiussimaniarlugit aamma maanna eqqarsaatigivaa.
juunip 28-at 2010 16:25

Kommunimiit Naturhistoriske Museum-imiillu aallartitat ataatsimiinnerminni taama aalajangerput.

Tikaagulliusaap saarngi maanna kontainerersuarnut ikillugit nagguaatsut anaanik qallerlugit sapaatit akunnerini makkunani 'kigutsinneqarput'. Saarngit neqitaaruppata misissorneqareerpatalu ukiap ingerlanerani katiterneqareerpata Vejle-mut utertinneqassapput.

Vejlemi katersugaasivimmi saqqummersinneqassapput - qularnanngitsumik ukiortaamiit qaammatini arlalialunni.

Tikaagulliusaap saarngi Vejle-mi imaassinnaavoq aalajangersimasumik inissinneqartut.

- Statens Naturhistorisk Museum-ip tikaagulliusaaq Vejle Kommunemut sivisuumik atukkiussimarusussinnaavaa Vejle Fjord-imilu aalajangersimasumik saqqummersinneqarsinnaatillugu, Morten Melgaard oqarpoq.

Vejlep umiarsualiviani sanaartugassami nutaami saarngit inissinneqarnissaat kommunep pilersaarutigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq