Thelmap Ísland Got Talentimi ingerlaqqinnissaanut taaseqataagit
- Kalaaleqatikka! Sapaatiuppat appittussanngorpunga finalimut anngunniarlunga!, erinarsortartoq 19-inik ukiulik Facebookimi quppernermi taama allappoq.
Thelma Kajdóttir Lyberthip Ísland Got Talentimi kalaallisut erinarsorluni peqataanera assut nersualaarneqarpoq
Aliikkutassiap aallakaatinnera nittartakkakkut toqqaannartumik isiginnaarneqarsinnaassanngilaq, Thelmallu Ísland Got Talentimi qanoq ingerlanera aatsaat aquaguani isiginnaarneqarsinnaassalluni.
AAMMA ATUARUK Thelma Iceland Got Talentimi semifinalimut ingerlaqqippoq
Sms-ikkut taasinissaq
Sms-ikkut taasiniaruit, 'Thelma' allassavat normumullu +354 900 3006-imut nassiullugu. Taasineq Nunatsinni nalunaaqutaq malillugu nal. 16.30 aallartissaaq, arlaleriarlunilu taasisoqarsinnaavoq.
AAMMA ATUARUK Kalaaleq islandimiut piginnaanilinnik unammisitsillutik aliikkutassiaanni ingerlaqqittoq