Thailandip kunngia toquvoq
Thailandimi kunngip Bhumibol Adulyadejsip toqunerata nalunaarutigineratigut nunap naalakkersuisui immikkut ittumik ataatsimiinnissamut aggersaallutik nalunaaruteqarput.
Allattoq Ritzau
Nutserisoq Connie Fontain
Thailandip kunngia Bhumibol Adulyadej 88-inik ukioqarluni toqusoq Bangkokimi illussaarsuaq nalunaaruteqartoq, nutaarsiassaqartitsivik Reuters allappoq.
Tamanna sioqqutilaarlugu Thailandimi naalakkersuisut nalunaaruteqarput immikkut ittumik sisamanngornerup unnukkuani nalunaaqutaq 21.00 (danskit nalunaaqutaat naapertorlugu nal. 16.00) ataatsimiinniarlutik.
Kunngip napparsimmavik sivisuumik uninngavigisimasaanut inuppassuit aggiasut nutaarsiassaqartitsivik AFP allappoq.
88-inik ukiulik kunngi Thailandimi politikkikkut avissaartuuffiusumi qummut isigisaapajaarpoq.
/ritzau/Reuters