Attavilunneq: Tele-Postip ajoqut paasivaa
DR-ip Kalaallit Nunaannut akunnernik sisamanik kingusinerusukkut nassitsissutaa teknikkitigut akornuteqarsimavoq, Tele-Postip tusagassiuutinut nalunaarummi paasissutissiivoq.
- Ajoqutaa teknikerinit kiisami paasineqarmat nuannaarutigaarput. DR-ip kanaliisa kingusinnerusukkut aallakaatinneqartarfiinut systemi qamikkatsiguli attaviit akornuteqaqqissimanngillat, Arnakkuluk Jo Kleist oqarpoq.
AAMMA ATUARUK Tele Postip TV-mut radiomullu attaveqaatit aaqqinniarsarigai
Attaveqaatip kipisaqattaarneri ilaannikkuinnaq pisarsimammaq ajoqut suunersoq paasiuminaassimasoq aamma oqaatigaa.
- Ajortinneratigummi taamaallaat paasiniarneqarsinnaasimammat paasiniarnera teknikerinit ajornakusoorsimavoq
Tele-Postimi systemimut atortulersuutinik nutaanik ikkussuineq suliarineqaleruttorpoq. Systemilli nutaap ikkunneqarnissaata tungaanut nunatsinni DR-ip kingusinnerusukkut aallakaatitaanik isiginnaartoqarsinnaanngikkallarpoq, qaqugulu piariissanersoq suli oqaatigineqarsinnaanngikkallarpoq.
AAMMA ATUARUK Teknikkut ajutooqqanerup DR-imit aallakaatitat toqqaannartilerai
