Tele-Post Unammilleqatigiinnermut Aqutsisoqarfimmit iluarseeqquneqarpoq
Suliffeqarfik Inu:IT Unammilleqatigiinnermut Aqutsisisoqarfimmut naammagittaaliuuteqarpoq, Inu:IT isumaqarami Tele-Post Inu:IT-mut ukiuni arfinilinni naapertuutinngitsumik pisimagamiuk IP-Telefonit tuniniarneqarnerinut internet atorlugu sianerfigineqarsinnaasut pillugit.
Nammminersorlutik Oqartussat pigisaata Tele-Postip inuussutissarsiutinik ingerlatsisunut oqarasuaateqarnikkut nioqqutimini Iserfimmi teknogiimik nutaanerpaamik nammineq atuisuulluni INU:it-lu teknologimik 1980-ikkunnersumik atuisariaqarsimalluni.
Teknik nutaanngitsoq Inu:IT-imut ajornartorsiutaavoq Inu:IT-ip pisisartuminut neqerooruteqarsinaannginnami Tele-Post tuniniartagaanut sanilliullugu.
Unammilleqatigiinnermut aqutsisoqarfik maanna Tele-Post-imut peqqussuteqarpoq INU: It periarfissaanik nammineq iluanaarniutigisaminnik assingusumik periarfissinneqassaasoq, aviisi AG taama allaaserisaqarpoq.
- Tele Greenland A/S-ip teknologiimut piumaneqartumut teknikkikkut inissititerinissaq inissereersimammagu kisiannili unammilertiminut tamatuminnga atuinissamut periarfissiisimanani, suliffeqarfik tunniussimannginnermut pisuusutut inissisimalersimavoq, teknologi piumaneqartoq unammilleqatigiinnermut sukumiisumut aalajangiisuusimammat, Unammileqatigiinnermut Aqutsisoqarfik aalajangiineq pillugu taama allapput, aviisi AG- taama allaaserisaqarpoq.