TELE-POST Kinamiittoq
Frimærkinik katersisartut 100.000-init amerlanerusut soqutiginnillutik frimærkinik saqqummersitsinersuarmut peqataasarput. Saqqummersitsinerullu taassuma pitsaaqutigaa nunarsuarmi frimærkilerisunut katersuuffiummat. Katersisartut, allakkeriviit pilersuisullu, soorlu assersuutigalugu frimærkinik naqiterisitsisarfiit peqataasarput.
TELE-POST-ip Kinami frimærkinik saqqummersitsinermut angisuumut sisamassaanik peqataavoq, frimærkinullu pisortaq Perrti Frandsen naapertorlugu frimærkiutitta soqutigineqarnerat annertusisimavoq.
-Frimærkinik nutaanik nunatsineersunik, kineserinut katersisartunut saqqummiinissarput qilanaaraarput, Pertti Frandsen oqarpoq.
TELE-POST-ip neqeroorutiminik nassataasa ilagaat ""Naalagaaffimmut Qeqqaniittumut, nalliuttorsiornermut atatillugu frimærki, aamma frimærki savalimmiormiut allakkeriviat Posta suleqatigalugu saqqummersinneqaqqammersoq ”Nordafar”. Ataatsimoorussamik frimærkiliamut aamma Kinamiunut immikkut ittumik mappiliortoqarsimavoq.
-Frimærkit Kalaallit Nunaanneersut kinesererpassuarnut tunisinnaassagutsigit, kineseritut suliarisariaqarpagut, kineserimmi ikittuinnaat tuluttut paasisinnaapput. Pisiniat paasisinnaajumallugit, kineserinik tuniniaanitsinni ikiortissatsinnik pissarsisimavugut, Frimærkinut pisortat oqarpoq