TELE-POST -ip nittartakkat inerteqqutaasut matuai
TELE-POST ullumikkut aalajangerpoq domænit, tassalu nittartakkat marluk matuniarlugit, taakkulu filinik siammarterisartut The Pirate Bayip ingerlatarai.
Allattoq Mads Lynge
TELE-POST-ip domænit gl.-imik naggatillit tamaasa tunniullugillu nalunaarsornissaanik pisinnaatitaavoq.
Danmarkimi eqqartuussiviup qullersaata aalajangersimavaa, The Pirate Bayip suliarisartagai allap piginnittusaanerannik innarliisuusut.
Aalajangernerup tamatuma malinnissaa TELE-POST-ip aalajangiuppaa.
- Marlunngornermi paasivarput domæni atuutsinneqalersimasoq, taamaammalu ingerlaannaq inatsisileritoorput attavigaarput, TELE-POST-imi teledirektør Anders Barslund matusineq pillugu nassuiaavoq.
Annertunerusumik paasisaqarusuttut teledirektør Anders Barslund attavigisinnaavaat.