Tatiginnikkunnaarnermik taasititsisoqarsinnaanera Kim Kielsenip ernumanartoqartinngikkaa

Naalakkersuisut Siumullu siulittaasuata Kim Kielsenip oqaatigaa Inatsisartut ataatsimiinneranni partiit allat arlaat tatiginnikkunnaarnermik taasititsissagaluarpat tamanna isummerfigineqarumaartoq.

AAMMA ATUARUK Aalisarneq pillugu inatsisissaq ataatsimiititaliarsuarmut suliassanngortinneqartoq

Naalakkersuisooqatigiillu nutaat qaqnoq sivisutigisumik atasinnaanersut aperineqarami Kim Kielsen ima akivoq:

- Tassa ersarissumik naalakkersuisoqatigiinnissamut isumaqatigiissutitsinniippoq, tassalu 2022-mut ingerlannissaa siunniupparput. Aamma oqaatigisinnaavara tatiginnikkuunnaarnermut tunngatillugu aatsaannguaq apeqqutinnut tunngatillugu. Tassa uani tassani kiffaanngissuseqarlutik taasisinnaanissaannut tunngatillugu periarfissaqarput. Taamaattorli oqarsinnaavunga, partiit, uagut Siumumi tassa ataatsimoortarpugut, aamma ataatsimut taasinissarput tassani qularutigineqassanngilaq, Kim Kielsen amerlanerussuteqartunik tunuliaqutaqarnini innersuussutigalugu taama oqarpoq.

AAMMA ATUARUK Kielsenip naalakkersuisooqatigiivi nutaat aajuku