Tasiilami SAR-imik ujaasisoqartoq
Angut 40-t sinnerlugit ukioqartoq Tasiilami maqaasineqartutut sapaammi nalunaarutigineqarpoq. Angut sapaammi qimusseriaramili kingullermik takuneqarpoq.
Oqartussat taamaattumik SAR-imik ujaasinermik aallartitsipput, Issittumi Sakkutooqarfik aamma Kalaallit Nunaanni Politiit angummik ujaasipput.
- Timmisartumik sumiiffimmik annertuumik qimussertumit ingerlaffigineqarsinnaasumik ujaasisussamik aallartitsivugut, Malik Olesen ujaasinermi aqutsisoq oqarpoq.
Timmisartup saniatigut qamuteralaat aamma ujaaseqataasut, Malik Olesen oqarpoq.
Angut sapaammi nalunaaqutaq 13.30-t missaani kangerlunnut sikumut ingerlasoq kingullermik takuneqarpoq. Taamaammat timmisartoq sikumi nunamilu sumiiffimmi annertuumi ujaasivoq.
Tutsaqanngitsoq
Angut nunaqarfimmut Tasiilap avannaaniittumut Tiilerilaamut sapaammik nalunaaqutaq unnukkut arfineq-pingasut missaanni tikittussaagaluarpoq, angulli tikinnanilu tutsaqanngilaq. Taamaammat qanigisaasut angummik maqaasisaqarlutik nalunaaruteqarput.
Silalu qaammarniariartoq ujaasineq aallartinneqartoq, Malik Olesen oqarpoq.
- Timmisartup challengerip sila erseqqarinnerarpaa, silali maluginiarparput. Nunamimi qamuteralaat atorlugit aamma ujaasisoqarpugut, taanna oqarpoq.
Tasiilami ullut marluk ingerlanerinnaani aappassaa SAR-imik ujaasinermik aallartitsisoqarpoq. Angutit marluk qamuteralattut ingerlariarneq ajuleqqasut ikiorneqarnissaminnik arfininngormat pisariaqartitsipput. Angutit sikumi nikinnaveersimapput.
