SAR-imik ujaasineq: Qamuteralaat anorersarmi nittaallartalimmi ingerlaqqinnaveertut
Qamuteralaat marluk Tasiilap eqqaani sermersuarmi apummi unittoorsimallutik ippassaq kalerrisaaruteqarput.
Silarlulersimanera pissutigalugu SAR-imik ujaasineq sukkanerpaamik aallartinneqarpoq, snescooterit marluk ikiorniarlugit.
Nunatsinni politiit pingaartuisa pisortaat Carl Sværd taama nassuiaavoq.
Issittumi Sakkutooqarfik, SAR-imik qulimiguulimmik nassiussisinnaanersoq misissorneqarpoq, silali pissutigalugu taamatut iliortoqarsinnaasimanngilaq. Qatserisartut marluk, politiit marluk kajumissutsiminillu ikiuuttoq qamuteralaat atorlugit ujaasisussatut aallartinneqarput. Kalerrisaariffiat tikinneqarsinnaasimavoq qamuteralaallu ujarneqartut nassarineqarput, taanna oqarpoq.
SAR-imeersut snescooterit marluk nassaarivaat aputiniillu ingerlariaqqinnissaannut ikiorpaat, taakku marluk nammineerlutik annaassiniartut peqatigalugit Tasiilamut utersinnaasimapput.
- Angalaneq sakkortusimassasoq takorloorsinnaavara, Tasiilap eqqaaniittoq aputeqangaatsiarpoq isikkivilullunilu, Carl Sværd oqarpoq.