- Tasiilami politiit sapaatip akunnerata naanerani matumani aggersarneqanngillat, Jan Geisler oqarpoq.Assi: Merete Lindstrøm, KNR

Tasiilami politiit: Sapaatip akunnerata siulia tamarmi eqqissisimasoqarpoq

Nalinginnaasumit eqqissisimasoqarnerusoq, politikommissæri oqarpoq.

- Imigassartortoqarneranut attuumassuteqartunut orniguttaraluarpugut, sapaatip akunneratali naanerani matumani nalinginnaasumit eqqissisimasoqarneruvoq.

Tasiilami politikommissæri, Jan Geisler oqarpoq.

  • Tasiilami nunaqarfiinilu septembarip 17-iata tungaanut aalakoornartutalinnik imigassaarniarneq matuvoq.
  • Tamanna niuertarfinni imerniartarfinnilu atuuppoq.
  • Nunaqarfiit tassaapput Kuummiut, Isertoq, Tiilerilaaq, Sermiligaaq Kulusullu.
  • Kalaallit Nunaata kangiani kimittuunik imigassaarniartoqanngilaq.
  • Tasiilami nunaqarfiinilu Ittoqqortoormiinilu, aalakoornartutalinnik imigassanik 15 procentinit kimittunerusunik sassaalliineq tuniniaanerlu inerteqqutaavoq.

Tasiilami sapaatip akunnerani kingulliup tulliani eqqissiviilliortoqangaatsiarpoq. Inuit akileraarutinit utertoorlutillu akissarsipput.

Tamanna pissutigalugu peqqinnissaqarfiup imigassamik inerteqquteqalernissaq septembarip ulluisa pingajuanni piumasaraat – taakkumi suliassanut angummanneq ajulerput, allatut oqaatigalugu imigassamut atuutmassuteqartumik napparsimmavimmut unitsinneqartut amerlasoorujussuupput.

AAMMA ATUARUK Tasiilami inissaaleqineq neriuuteqannginnerlu unammillernartut

Taamaammat peqqinnissaqarfiup imigassamik nioqquteqarnerup unitsinneqarnissaa pillugu kommunalbestyrelsimut saaffiginnippoq. Kalaallit Nunaanni Politiit tassunga isumaqataapput Naalakkersuisullu akuersillutik.

Imigassamik inerteqquteqarneq tallimanngorpat tungaanut atuuttussaavoq. Sapaatilli akunnerata matuma naanera eqqissisimasoqarpoq.

- Tasiilami politiit sapaatip akunnerata naanerani matumani aggersarneqanngillat, Jan Geisler oqarpoq.

Sapaatip akunnera kingulleq tamaat eqqissisimasoqarpoq, taanna nangilluni oqarpoq.

Qaammammusisoqarnerata akileraarutinillu utertoortoqarnera kingornatigut Tasiilami imminut toquttut marluupput, imminut toqunnissamik siorasaarisut sisamat, angerlarsimaffimmi eqqissiviilliornerit 15-it pinngitsaaliinerlu ataaseq. Pisullu alianartut taakku pisiniarfinni viininik immiaaqqanillu tuniniaanerup inerteqqutigineqalerneratigut unitsinneqarput.

Pissutsit pillugit aqagu innuttaasunik ataatsimiititsisoqassaoq

Tasiilami pisut kingulliit pissutigalugu aqagu innuttaasunik ataatsimiititsisoqassaaq.

Innuttaasunik ataatsimiititsisinissaq najukkami ataatsimiititaliap aaqqissuussaraa, tassanilu Tasiilami innuttaasut ilarujussuisa akornanni ajornartorsiutaangaatsiartut qanoq qaangerneqarsinnaaneri sammineqassapput.

AAMMA ATUARUK Tasiilami najukkami ataatsimiititaliap aaqqissugaanik innuttaasunik ataatsimiisitsisoqassaaq

- Ataatsimiinerup annertunerusumik imarissavaa, Tasiilaq ullumikkut, kiisalu aamma siunissaq, innuttaasut uagut, qanoq iliorlutaana pitsanngorsaaqataasinnaasugut atornerluinerit assigiisaallu pilugit, Tasiilami Najugakkami ataatsimiititaliap siulittaasua, Ole Jens Lundblad oqarpoq.

Innutaasunik aqagu ataatsimiisitsisoqarnerani najukkami ataatsimiitityaliameersut, oqartussaasut assersuutigalugu politiineersut peqqinnissaqarfimmeersullu najuutissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat