Tasiilami meeqqerivittaaq atoqqaarfissiorneqassasoq

Meeqqerivik nutaaq meeqqanut 88-inut naammattoq qaammatillu matuma naalernerani naammassineqartussaq, unammisitsereernerup kingorna taaguutitaartinneqarpoq.
Assi © : Kommuneqarfik Sermersooq
Allattoq Simon Uldum -
novembarip 24-at 2016 07:44

Meeqqeriviup taaguutissaa tassaalerpoq ”Pingaeqqad”, tassa nanoq arnaviaq marlunnik piaqqisartoq atsiullugit.

Tasiilami meeqqerivissaq 1.000 kvadratmeterisut angissuseqartoq eqqaanilu ungalusami assigiinngitsunik pinnguartarfeqartoq 2013-imili pilersaarutaalerpoq. Kommuni nittartakkamini taama allaaserisaqarpoq.

Aamma atuaruk Sermersooq: Akiliisinnaajunnaartumik pisineq immikkut iliuuseqarneruvoq

Meeqqerivik illoqarfiup arsaattarfiata ukiukkullu sisorartarfiup eqqaaniittoq Tasiilami illut annersaasa sisamaraat.

Meeqqerivik ”Pingaeqqad” decembarip aallaqqaataanit meeqqanit sulisunillu atorneqalissaaq aatsaalli aappaagu januaarimi pisortatigoortumik atoqqaarfissiorneqassaaq borgmester Asii Chemnitz Narupimit, taassumalu taaguutissaanik unammisitsinermi ajugaasoq akissarsitissallugu.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk