Tasiilami Kalaallisuuliornermik Ilinniarfiliortoqassanngilaq

Politikerip tunumeersup Harald Biancop Naalakkersuisumut Nick Nielsenimut § 37 naapertorlugu apeqqutiminut akissutissarsivoq. Kalaallisuuliornermik Ilinniarfik Tasiilami immikkoortortaqalerniarnersoq taamaassimappallu qaqugu tamanna pissanersoq apeqqutigisimavaa.
Allattoq Peter Troelsen, Simon Uldum
februaarip 03-at 2014 11:38

Tasiilami immikkoortortaqarfiliortoqassanngitsoq Nick Nielsen oqaatigaa. Nielsen nassuiaavoq Tasiilami suliffissaaleqinerujussuup iliuuseqarfiginissaanut suliniutissanik ujarlerlutik Naalakkersuisut siuliini ilaasortat pingasut 2012-ip naalernerani Tasiilamut tikeraarsimasut.

Tamatumunngalu aaqqiissutissat ilaattut Palle Christiansenip, Ove Karl Berthelsenip Mimi Karlsenillu ilinniarfiup pineqartup Tasiilami immikkoortortaqarfiliortoqarsinnaanera tikkuarsimavaat, Tasiilamulli tikeraarnerisa kingunitsianngua qinersisoqarmat iliuuseqarfigeqqinneqarsimanngilaq.

Nick Nielsen oqaluttuarpoq naalakkersuisunngornermi kingorna Tasiilami suliffissaaleqinerup akiorniarnissaanut tunngatillugu allaanerusumik pingaarnersiulersimalluni, illoqarfimmi innuttaasut inuusuttut suliffissaaleqinerisa akiorniarneqarnissaa pingaarnerutillugu iliuuseqarfiginiarneratigut. Taamaammat Tasiilami Kalaallisuuliornermik Ilinniarfik immikkoortortaqarfeqalissanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq