Assi: Nathan Kreutzmann

Ajunaarnersuaq Tarnip pissusaanik ilisimasalimmik oqaloqateqarnissaq suli pisariaqartinneqartoq

Tassaarsuaqarneranit qimagutitinneqartuinnaat oqimaattorsiunngillat. Pisumut avataaniit isigiinnartariaqarsimasoq, panimminik ernuttaminillu annaasaqartoq, KNR-imit naapipparput. Aamma taanna oqimaattorsioqaaq.

Uummannap eqqaani aasaq manna ajunaarnersuaqarnera inuppassuarnut eqquivoq.

Nunaqarfimminnik qimatsisariqartut amerlasut, ilaat tamassuma qaavatigut qanigisaminnik annaasaqarput. Pisorlu sakkortoqimmat qimagutitinneqartut amerlaqisut tarnip pissusaanik ilisimasalimmik oqaloqateqartinneqarput.

AAMMA ATUARUK Sakkortuvoq kisianni naammagittarniarsarivunga

Kisianni qimagutitinneqartuinnaat oqimaattorsiunngillat. Pisumut avataaniit isigiinnartariaqarsimasoq, panimminik ernuttaminillu annaasaqartoq, KNR-imit naapipparput.

Aamma taanna oqimaattorsioqaaq.

- Uagut annaasagut inunnguit marluupput, ningaasannguarput pingatsiullugu. Annaasagut annertoorujorujussuupput, Uummannarmiu Emilius Therkelsen oqarpoq.

Taassuma panini, ernuttani ningaanilu annaavai.

Karrani tassaarsuaq: Maanna susoqarpa?
Juunip 17-ani ajunaarnersuaq nunatta oqaluttuarisaanerani annersaraat.

 

KNR tassaarsuarmit eqqugaasut oqaloqatigiartorlugit novembarip qaammataani Uummannamiitsivoq.

 

Pisut oqaluttuarineri KNR-imi ulluni aggersuni malinnaavigikkit.

Nuugaatsiameersut Illorsuarneersullu tassaarsuaqarnerup kingorna illoqarfinnut allanut qimagutitinneqarput inuunerallu ullormiit ullormut allanngorpoq.

Emilius Therkelsenikkut inuunerat aamma.

 - Tassani oqimaattorsiortorujussuanngornikuugatta. Qanoq iliallallutalu qialertarluta.

Tarnip pissusaanik ilisimasallit tassaarsuaqarnerup kingorna Uummannaliarput.

Emilius Therkelsen, ilaatigullu qitornaa, pingasoriarlutik oqaloqatigineqarput.

Oqiliallaatigisimavaat, kisianni suli pisariaqartitseqaat.

- Taassuma kingorna qaangertuusereerlunga utersaaqqilerpunga. Taava uagut annertunerusumik eqqaaneqartannginnatta. Aamma uanga nammineerlunga qanorsuarluunniit ajornartorsiortigigaluarlunga kommunimut ikioqqullunga saaffiginninngisaannartuugama.

AAMMA ATUARUK Inuussutissarsiornerput uninngavoq

AAMMA ATUARUK Qaasuitsup Kommuniani sulisut uippakajaalersimasut

Taassuma saniatigut taartalerlunilu ukioriartornera misigissutsikkut taarsiortitsineruinnartoq, Emilius Therkelsen oqarpoq.

Panimminilli eqqaamasat nuannersut nukittorsaatigai.

- Naalungiarput uannut anaanaminullu nuannersuinnarparpassuarnik ullormut tunioraasimavoq, uagutsinnut puigugassaanngitsunik. Nuannaarnerpassuit qatanngutiminut tamarmik, Uummannarmiu Emilius Therkelsen oqarpoq.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat