Tappiitsut isigiarsuttullu peqatigiiffiliortut

Innuttaasut isimikkut innarluuteqartut innuttaasut allat misiginngisaannagaannik ilisimasaqarfiginngisaannagassaannillu ilaatigut ajornatorsiuteqarsinnaasarput. Ajornartorsiutillu tamakku qaangerumallugit, aammalu tappiitsut isigiarsuttullu soqutigisaat sapinngisamik pitsaanerpaamik isumagineqarnissaat qulakkeerniarlugu peqatigiiffik ISI pilersinneqarpoq.
Allattoq Peter Troelsen, Simon Uldum
novembarip 14-at 2013 07:12

Peqatigiiffiup siunertaraa tappiitsut isigiarsuttullu nuna tamakkerlugu ataatsimoorfissaannik pilersitsinissaq, aammalu tassuuna tapersersoqatigiinnissaat isumassarsioqatigiinnissaallu anguniarlugu. Soqutigisaqaqatigiiffittaaq ippassaq pilersinneqarpoq, ISI-llu pilersitsiviusumik ataatsimeersuarneq pingasunngornermi decembarip 11-iani nal. 14.00, Nuummi peqatigiiffiit ataatsimiittarfianni Blok 6-imiittumi ingerlanneqassaaq.

Ataatsimeersuatoqarnissaata tungaanut siulersuisunik toqqaasoqarpoq, taakkulu soqutigisaqaqtigiiffiup ataatsimeersuarnermi qinikkanik siulersuisoqalernissaata tungaanut ISI-p soqutigisaanik isumaginnissapput.

Siulersuisuugallartut tassaapput Hans Peter Larsen, Kristian Josefsen, Anders Meilvang, Viktoria Nielsen aamma Asta Schmidt.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk