Tanzaniami præsidentip parnaarussat sukannernerusunik atugassaqalerniarai
Sukannernerusunik iliuuseqarniarneq ikiaroornartunik atornerluisut suiaatiminnillu ilaqartartut pinngitsoortinniarneqarput.
Tanzaniami parnaarussat ulloq unnuarlu sulisariaqarput, aapparisamit imaluunniit nuliarisamit pulaarneqartarneq unitsinneqassaaq, parnaarussat eqiasuttut isimminneqartassaput.
Taama oqarpoq,Tanzaniami præsidenti John Magufuli, Tanzaniami paarnaarussiviit pisortartaavata Faustine Martin Kasikep arfininngornermi atorfinitsinneqarnerani.
Magufuli sukangasumik naalakkersueriaaseqarnera pillugu inuit pisinittaatitaaffiinik suliniaqatigiiffinnit isornartorsiorneqartarpoq, innuttaasullu kiffaanngissuseqarnerisa ajornerulersimanerannnik isorineqarluni.
Isornartorsiornerilli annertunerusumik tusaagunanngilai.
- Kanngunaqaaq nuna manna parnaarussanut suli inuussutissaqartitsimmat.
Parnaarussiviit tamarmik narsaateqarput naatsitsiviusinnaasunik taakkua parnaarussat isumagissavaat, Magufili oqarpoq.
- Parnaarussivinni sulisut ilaat namminneq inigisaqanngillat.
- Parnaarussat sulisinniarsigit ulloq unnuarlu qarmasissialiortillugit.
Eqiasuppata isimmisavasi. Sulisussaqarpusi akeqanngitsunik, Tanzaniami præsidenti taama oqarpoq.
Paarnaarussat nuliaminnik imaluunniit aappaminnik pulaarneqartarnissaanik parnaarussivimmi sulisunit akuerineqartarnerat præsidentip isornartorsiorpai.
- Angut parnaarussaasarpoq nuliani qimallugu, parnaarussivimmilu sulisup arnaq taanna paarussivimmut isertittarpaa, paarnaarussaaqqasullu paarnaarussaaqqanermini iliuusereqqusaanngitsut parnaarussivimmi sulisup akueralugit.
Taana aamma isumaqarpoq parnaarussat suliakkippalllaartartut taamaannerallu sueaaqatiminnik ilaqartalernerannik ikiaroornartumillu atornerluinerusalerannik kinguneqartartoq.
- Tamakkuninnga tusagaqaqqinnianngilanga, parnaarussivinni aqutsisut pillugit aqqiissusseqqinnissamik piumasaqarpunga, Tanzaniami præsidenti John Magufuli taama oqarpoq.