Tammajuitsussarsiniarluni piniartitsineq nungusaataanngilaq
Løveq Cecil toqutaammalli internetikkut nittartakkani, uumasunut peqatigiiffinnillu tammajuitsussarsiniarluni piniartitsisarnerup inerteqqutaalernissaa ilungersuutigineqarpoq.
Taammakkaluartorli piniartitsisarneq uumasunut nungusaataangitsoq, Fernando Ugarte Pinngortitaleriffimmeersoq oqarpoq.
-Tammajuitsussarsiniarluni piniarneq uumasunut sunniuteqarneq ajorpoq Fernando Ugarte Pinnortitaleriffimmeersoq taama oqarpoq. Naqissuserlugulu tammajuitsussarsiniarluni piniartitsisarneq nungusaataanngitsumik ingerlanneqarsinnaasoq.
Pisaqartoq piniartuunersoq imaluuniit takornariaanersoq apequtaangitsoq, pisassaritinneqartullu amerlassusaat malikkaanni akornutaanngitsoq Ugartep oqaatigaa.
Aamma atuaruk Liivimik toqutsisoqarnerata kingorna tammajuitsussarsiniarluni piniartarneq inerteqqutaaleriaannaavoq
- Uumasut amerlassusaat tunngavigalugu siunnersuisarpugut. Kisitsisit malillugit piniagassat tunniunneqartarput, tassani piniartuniit imaluunniit takornarianiit pisarineqartoq kimit pisaanersoq apeqqutaaneq ajorpoq.
Tammajuitsussarsiniarluni piniartitsineq akissarsiutaavoq, Kangerlussuarmi tuttunik umimmanillu piniartitsisarneq ulluni tallimani 18.000 koruuninik akeqarpoq. Tassa angalaneq unnuinerlu ilanngullugit.
Piniartitsineq Qeqqata kommunianut iluanaarutaassasoq 2009-mi iliuusissatut pilersaarummik aaqqissuussisoqarnerani aalajangerneqarpoq.