Takuniarneqarnerpaasartut iluarsaanneqassasut
Matumani ilaatigut pineqarput Qassiarsummi oqaluffitoqaq assilillugu oqaluffiliaq, aamma naggueqatigiit Inuit illutoqaat, Qassiarsummi qallunaatsiaat illukuisa oqaluttuassartallit sanianniittut.
Taamatuttaaq Uunartumi talittarfik puttasoq pitsaanerulersinniarlugu aningaasaaliisoqarpoq, kiisalu takornarianut nunarsuarmioqatitsinnullu Kujataata annertunerusumik ilisaritinneqarnissaa suliniutigineqarpoq.
Takornariartitsinermut suliniutit ataatsimut 675.000 koruunit missaannik akeqarnissaat naatsorsuutigineqarpoq, taakkunannga 492.000 koruunit nunap immikkoortuisa ineriartortinneqarnissaannut aningaasaliissutinit kommunimut tapiissutaallutik.
Takornariartitsineq pillugu isumasioqatigiittarnerni suliniutissanik aamma pingaarnersiuinerit, innuttaasunik ataatsimiititsisarnertigut, aamma Qassiarsummi innuttaasunik ataatsimeeqateqartarnikkut, pisartut, Kommune Kujallermi Inuussutissarsiornermut suliffeqarnermullu ataatsimiititaliap siulittaasua, Kalistat Lund, oqarpoq:
- Kujataa takornariartitsinikkut asseqanngitsunik neqeroorutissaqarpoq, nutarterinissamullu aningaasanik pissarsiniarnitta iluatsissimanera iluarisimaaqaarput, taamaalillutami Qassiarsummi illut assilillugit sanaat takornarianit ussagarneqaqqissinnaalerniassammata, taamalu qallunaatsiaat, aamma naggueqatigiit Inuit, oqaluttuassartaat oqaluttuarineqarsinnaallutik, Kalistat Lund oqarpoq.