Takornarniaq USA-meersoq Islandimi ajunaarpoq
Takornarniaq USA-meersoq anersaartuuserluni Silfrap imartaani aqqarnermi kingorna sapaammi toquvoq. Silfra aqqartartunit nuannarineqartupilussuuvoq.
Takornarniat USA-meersut arlallit ilitsersuisulerlutik aqqareernermi kingorna ajutoortoqarpoq. Aqqareerlutillu nunamut pigamik angut takornarniaq ilisimajunnaarsimavoq.
Iceland Monitorip allaaserisaa naapertorlugu angut uummarsarniarneqarsimagaluarpoq iluatsinngitsumilli. Angut qulimiguulimmik Reykjavikimi napparsimmaviliaanneqarpoq, toqusimatullu napparsimmavimmi pisortatigoortumik nalunaarutigineqarpoq.
Sunarpiaq toqqutigisimaneraa ilisimaneqanngilaq. Iceland Monitor taama allaaserisaqarpoq.