Takornariat tikittartut amerleriaateqartut

2016-ip affaani siullermi nunatsinnut timmisartorlutik angalasut, siornamut naleqqiullugit 12,4 procentinik amerlanerupput, Visit Greenland tusagassiorfinnut nalunaaruteqarluni taama allappoq.  

Issittormiut unammiuaaqatigiinnerat, Arctic Winter Games, nunatsinni 2016-imi ingerlanneqarpoq, tamatumunngalu atatillugu inuit 1.700-t Nuummut tikillutik, Visit Greenlandili naapertorlugu, tamanna ataasiaannartumik aaqqissuussineruvoq, taamaattumillu takornariat pillugit naatsorsuinerit marluupput; Arctic Winter Gamesimut peqataasut ilaatillugit, ilaatinnagillu.

Issittormiut unammiuaaqatigiinnerannut peqataasut ilanngukkaanni, timmisartorlutik nunatsinnut tikittut 22,1 procentiusimapput, Visit Greenland taama allappoq.

Nunatsinnut takornariartut amerlanersaat juulimi septembarimilu tikittarput.