Assi: Mads Pihl

Takornariartaatit akiliinerusalissapput

Umiarsuarsuit takornariartaatit nunatsinnukartartut ikiliartulernissaat, inuussutissarsiornermut naalakkersuisup Vittus Qujaukitsup aarlerinartippaa.

Malittarisassat nutaat, juulip ulluisa aallaqqaataanit atuutilertussat, naapertorlugit takornariartaassuit ilinniarluarsimasunik ilisimasortaqartalissapput, tamannalu takornariartaatinut aningaasartornarnerulissaaq, naak talinnerminni akitsuutit appartussaagaluartut.

- Sinerissami umiarsuit nuannaariutit tikittartut ikileriangaatsiarnerannik taanna kinguneqarsinnaavoq, naalakkersuisoq Vittus Qujakitsoq oqarpoq.

Aamma atuaruk Umiarsuit takornariartaatit aatsaat taama amerlatigisut

Takornariartaassuit amerlanerusut Nunatsinnukartalerniassammata Naalakkersuisut akitsuutit apparaluarpaat. Takornariartaassuilli sipaaruteqarnavianngillat, sipaarutissaagaluimmi ilisimasortaqartarnissamut atorneqartalissammata. 

Nunarput annaasaqassasoq

Aningaasat taakku nunatta karsianut pinnatik danskit naalagaaffiannit pigineqartumut, Greenland Pilot Servicesimut, nakkartassapput. Tassalu Nunarput akitsuutinik annaasaqassaaq takornariallu ikinnerulerlutik.

Ilisimasortaqarnermut akigititat nutaat pingasunut immikkoortinneqarput:

Umiarsuup angissusaa aallaavigalugu akiliisoqartassaaq. Umiarsuarmi ilisimasortaqarneq ullormut 24.000 koruuninik akeqassaaq kiisalu ilisimasortamik ikisoqarneri tamaasa 54.000 koruuninik akiliisoqartassalluni.

Aamma atuaruk Nunatsinni illoqarfiit anginerit avataanni umiarsuarnik ajutoornissaq qaninneruvoq

Nunatta takornariaqarneranut tamanna siooranartuusoq, naalakkersuisoq oqarpoq.

- Taamaattumik takornariaqarnikkut Nunatsinni inerisaaniarnitsinnut siooranartutut isigisariaqarparput taamatut ilisimasortanik piumasaqaateqartoqarniartalernera, minnerunngitsumik akigitinneqartussat eqqarsaatigalugit. Taamaattumik piviusorsiornerusumik akilersuititsisoqartalernissaa taanna Naalakkersuisuniit piumasaqaatigissavarput, Vittus Qujaukitsoq oqarpoq.

Takornariat ikiliartussasut

Ilinniarluarsimasunik ilisimasortaqartalernerup angalasarneq isumannaannerulersissagaa, Visit Greenland isumaqarpoq. Aningaasartuutilli amerleriapiloorpata takornariartaassuit nunatsinnukarumajunnaarsinnaasut Visit Greenlandimi siunnersortaaneq ilimasuppoq.

Tassami assersuutigalugu, umiarsuarujussuit Europaminngaanniit Amerikaliarlutik Nunatta kujataanut aqqusaassagaangamik, 600.000 koruunit tungaannut akiliisalissapput.

- Taamaammat taakku annertuumik eqqugaasinnaanerat annilaangatigaarput. Nalunaaquttap akunnerini tallimani talilaarninnguaq taama akisutigissappat qularineqassagunanngilaq Kalaallit Nunaat qaangiinnarlugu ingerlassasut, Visit Greenlandimi siunnersortaaneq Mads Daniel Skifte oqarpoq. 

Aamma atuaruk Nalunaarusiaq: Issittup imartaa iluaqutaarujussuarunnanngilaq

Akigitinneqartut taama qaffasitsigineri siusinnerusukkut nalunaarutigineqarsimannginneri taassuma uggoraa.

Umiarsuaatileqatigiit ilaasuminnut akigititatik qaffanngikkunikkit namminneq akiliinerusussanngorput. Tamatumalu malitsigisaanik Nunatta tikitassatut tutsuiginassusaa innarlerneqassasoq, Mads Daniel Skifte erseqqissaavoq.

Qanoq akiliisoqartassanersoq Naalakkersuisunit naatsorsorneqarsimavoq: 

Tabel 1: Aningaasartuutigineqartartussat siornamut sanilliullugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat