Sungiusaqatigiinneq aallartittoq: Takornariartaat Danmarksstrædetimi periarfeerunneqarpoq

Umiarsuaq takornariartaat hunnorujulinnik ilaasulik Danmarksstrædimi periarfeerunneqarpoq annaassiniarnissarlu aallartisarneqarluni, nittartagaq forsvaret.dk taama allappoq.

Nittartagarlu Sermitsiaq.ag naapertorlugu, umiarsuaq takornariartaat Tasiilamit Islandiliartoq, sungiusarneq naapertorlugu, periarfeerunneqarpoq.

Umiarsuaq alapernaarsuut Vædderen annaassiniarnermut peqataalluni sumiiffimmukartinneqarpoq, aamma umiarsuit inuttallu Canadameersut, USA-meersut, Islandimeersut Norgemeersullu annaassiniarnermi peqataassapput.

AAMMA ATUARUK Issittumi nunat annaassiniarnermik ujaasinermillu sungiusaqatigiilersut

Sungiusaqatigiinneq suleqatigiiffimmi Arctic Coast Guard Forumimi, naalisarlugu ACGF-imi siullersaavoq, suleqatigiiffillu Issittumi nunat tamarmik peqataaffigaat suleqatigiittussaallutillu.

Naalagaaffeqatigiinnit sungiusarnermi Arctic Guardianimik taaguuserneqarsimasumi peqataatinneqartoq tassaavoq Issittumi Sakkutooqarfik.

- Issittumi nunat suleqatigiinnerisa attaveqaqatigiinnerisalu pitsanngorsarneqarnissaat, aamma politikkikkut, sungiusarnermi pingaarnertut siunertarineqarpoq, nittartagaq forsvaret.dk taama allappoq.

AAMMA ATUARUK Issittup imartaanik nakkutilliineq suleqatigiissutigileraat