VVM Kuannersuit Tailingit Tasermi toqqortarineqassasut

Kuannersuarni suliniut pillugu VVM-imik nalunaarusiami piiavimmit sinnikut tailinginik taaneqartartut qinngornernillu ulorianartunik akoqartut toqqortarineqarnissaat allaaserineqarpoq. Tailingit tasersuarmi Tasermi sapusersuilluni toqqortarineqarnissaat siunertarineqarpoq, taamatulli periuseqarneq isumannaannerpaajunngitsoq ilisimasallit naliliipput.

Tailingit tatsimi toqqortarineqarnissaat suliffeqarfimmut akikinnerpaajullunilu ajornannginnerpaavoq, pitsaanerpaajunngilarli, ilisimasallit arlallit taama isumaqarput. Akuutissat qinngornernik ulorianartunik akullit kuunnut nunallu iluanut aniasoorutiginissaat ilimanaateqartupilussuussaaq, tatsimi sananeqartoq pinngortitap neriuineranit, silap qanoq inneranit silallu pissusianit sunnertiassammat.
 
Ilaatigut nunatsinni pinngortitamik avatangiisinillu illersuiniaqatigiiffimmit Avatameersoq Mikkel Myrup taama isornartorsiuteqarpoq.

AAMMA ATUARUK Ajornartorsiutaasut VVM-imi qarsupinneqarput

- Ajornanngippallaaqaaq allassalluni qaqugumorsuaq atasinnaasumik sanasoqarsinnaasoq. Kialluunniit takusinnaavaa taamaattoqarunnanngitsoq. Sapusiaq avatangiisimini qaqqatulli neriorneqassaaq tailinginillu imarisai taamaallutik anialerumaarput.

Kuannersuarni piiaviliornissamik suliniummut VVM-imik nalunaarusiamut missingiut, aatsitassarsioqatigiiffiup Greenland Minerals A/S-ip Namminersorlutik Oqartussanut tunniussaa, KNR-ip allagaatinik takunnikkumalluni noqqaassuteqarluni pissarsiaraa.

- VVM-imik nalunaarusiassamut missingiut Avatangiisinut aqutsisoqarfimmit, Pinngortitaleriffimmit Aarhusillu Universitetiata Avatangiisinut Nukissiuuteqarnermullu Misissuisoqarfianit misissorneqarpoq.

- Missingiutip misissorneratigut ilaatigut qulakkeerneqassaaq aatsitassarsiornerup iluani piumasaqaataasut naammassineqarnersut.

- VVM-imik nalunaarusiamut missingiut piumasaqaatinik naammassinnippat Naalakkersuisut aalajangiisinnaapput tamanut tusarniaasoqassasoq.

- Naalakkerssuisut tusarniaasoqareerpat aatsaat VVM-imik nalunaarusiaq inaarutaasumik akuersissutigisinnaavaat.

Tailingit isornartorsiorneqartupilussuusimapput, qinngornernillu ulorianartunik akoqarnerat pissutigalugu savaatillit avatangiisinillu illersuiniaqatigiiffiit piiaavimmik suliniuteqartoqarneranut tunngatillugu ernumassutigineqarnerpaallutik.

Mikkel Myrupillu piiaaviliornissamik suliniut tapersersulernavianngikkaluarlugu isumaqarpoq aaqqiissutissamik allamik VVM-imik nalunaarusiami toqqaasoqarsimasinnaagaluartoq.

- Tailingit pitsaanerpaamik toqqortarineqarsinnaapput qaarusummut piiarneqarfigisaannut utertikkaanni, tassungami katersorneqarsinnaapput benzonitimillu qaleriinnik arlalinnik qallersorlugit toqqortarineqarlutik.

Taamatut periaaseqarneq kemikerimit Hollandimiumit Kuannersuarni suliniutigineqartumik misissueqqissaarisimasumit siornatigut saqqummiunneqarpoq.

Mikkel Myrup naapertorlugu GME-p aaqqiissutissamik isumannaannerpaamik VVM-imik nalunaarusiamini toqqaasimannginneranut aningaasaqarneq pissutaavoq.

- Ingerlatseqatigiiffimmummi soorunami akisussaaq. Saffiugassarmi piiavimmit anninneqartoq sooq aningaasat millionerpassuit atorlugit piiavimmut utertinneqassappat.

AAMMA ATUARUK Avatangiisit pillugit aarleqquteqarneq VVM-imik nalunaarusiami akerlilerneqartoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat