Taekwondomi internettikkut GM: Misigisaq allaavoq
![Online taekwondo GM Online taekwondo GM](/sites/default/files/styles/image_934x467/public/article_images/online_gm.jpg?itok=NPxxwy7k)
Taekwondortartut aqqaneq marluk ukioq 2020-mi Nunatsinni pissartartut imminnut nalunaarutigisinnannaalerput – timersuutini tamaginni unammersuarsimasutuaallutik.
Pissutsillu pisarnermit allaanerupput unammersuarneq arfininngorneq novemberip arfineq aappaat naammassimmat. Peqataasut tamarmik unammeriaatsimi tul-mi takutitartik nunarsuarni taekwondortartut kattuffissuata nittartaanut ilisarpaat.
Dommerillu nunanit tamalaaneersut nalilersuisuupput.
Unammeqataasut illoqarfigisaminniiginnarput corona siaruatsaaliorniarlugu kommunenit assigiinngitsuneersut nalunaarsuinertalimmik unammersuaqatigiissinnaanerat inerteqqutaagallarmat.
AAMMA ATUARUK Timersortarfiit ulikkaanngikkaluarlugit: Taekwondomi GM internettikkut pissaaq
- Unammineq una immikkuullarippoq. Unammeriaatsit eqqarsaatigalugit tul-it arlallit takutinneqartaraluartut ukiormanna GM-rtoqarnerani ataasiinnaq takutinneqarpoq. Takusinnaasakka malillugit inuusuttuaqqani maluginiarpakka ataasiakkaat siunissami nunanut allanut unammisartunngornissaminnut piareersalereersinnaasut, taekwondomi nuna tamakkerlugu sungiusaasoq Angutinnguaq Tittussen KNR-mut oqarpoq.
Tul-mi internet atorlugu GM-rtoqarnissaa qaammat ataaseq sinnilaarlugu matuma siorna aalajangiunneqarpoq.
- GM-mut piareersarnissamut piffissaq annertugisassaanngilaq. Pissutsilli allaanerunerat eqqarsaatigissagaanni isumaqarpunga peqataasut takutitaat ajoriinnagassaanngitsoq, Angutinnguaq Tittussen oqarpoq.
Nunani tamalaani corona qaangiukkallarunnanngilaq. Taekwondomi nunanut allanut unammisartut naalarnigallarput taamaatumillu ukiumut affaanut tullermut nunanut allanut unammisartut unammiarnissaat ilimagineqarani.
Tul-imi taekwondomi GM uani takuneqarsinnaavoq.