Savalimmiuni talerperliit saamerliillu ilaasortaatitaqalersut

Partiit Folketingimi ilaasortaatitaqartut marluk tamarmik ilaasortaatitaqaqqilerput, tassa talerperliit saamerliillu tamarmik ataatsimik qinigaatitaqaramik. Sambandspartii, talerperlerneersoq, Javnaðarflokkurinilu saamerlerneersoq, qinigaatitaqarput.
Savalimmiormiut Folketingimut ullormik ataatsimik sioqqutsillutik qinersinissamik immikkut ittumik akuerineqarput. Tamaanimi ulloq taanna imaani ajunaarsimasunik eqqaaniaavittut atorneqartarpoq. Assi © : Scanpix
Allattoq Ritzau
novembarip 01-at 2022 07:19
Nutserisoq Mads Lynge

Sambandspartiip partii Venstre Danmarkimi suleqatigaa, Javnaðarflokkurinilu Socialdemokratit suleqatigalugit.

Anna Falkenberg, Sambandspartiimeersoq, 2973-init taaguunneqarpoq, Sjúrður Skaalelu, Javnaðarflokkurinimeersoq, 3804-nit taaguunneqarluni.

Savallimmiuni konservatiivit Folkeflokken qinersinermi kinguariangatsiarput 15,5 procentinit taaguunneqarlutik.

Partiit anginerit sisamaat Tjódveldi, Savalimmiut naalagaaffinngornissaanut kissaateqartoq, kinguarialaarluni 18,1 procentinit taaguunneqarpoq.

AAMMA ATUARUK Aaja Chemnitzip arlalinnik parteeqartumi Mette F. ministeriusussatut taperseraa

Partiit minnerit marluk Folketingimut aamma sassarput, tassa Framsøkn, 3,4 procentinit taaguunneqartoq, kiisalu Midterpartiet, 4,5 procentinit taaguunneqartoq.

Savalimmiormiut Folketingimut ullormik ataatsimik sioqqutsillutik qinersinissamik immikkut ittumik akuerineqarput. Tamaanimi ulloq taanna imaani ajunaarsimasunik eqqaaniaavittut atorneqartarpoq.

Anna Falkenbergip aatami Edmund Joensenip, 78-inik ukiullip, Folketingimi kingoraarpaa, Edmund Joensenimi qinigassanngorteqqinngilaq.

Folketingimut Savalimmiuni 1953-imili qinersisoqartarnerani arnamik aatsaat aappassaa qinigaasoqarpoq. Kingullermik taama pisoqarmat Lisbeth Petersen, Sambandspartii sinnerlugu 2001-imi qinigaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq