Taaqqungasut qaamanermik qinngortarfigitinnermikkut katsorsarneqarsinnaapput

Taaqqungasut nererusussuseqarneq ajorput, qasusutut nukissaqanngitsutullu misigimasarlutik. Taamatut misigisimasut qaamanermik qinngortarfigineqarlutik ikiorneqarsinnaapput, nakorsaaneq Henrik Dam, misissuisitsinermik ingerlatsisoq oqarpoq. Henrik Dam Rigshospitalimi tarnimikkut nappaateqartut immikkoortortaqarfiani nakorsaanertut sulivoq, misissuinermilu Dronning Ingridip napparsimavissuani tarnimikkut nappaateqartut immikkoortortaqarfianni nakorsaanerusimasoq Fatuma Ali suleqatigaa.

Arnat inuusunnerusut taartalernerani taaqqunganermik nalaanneqartarput.

Nukissaqanngitsutut misigisimaneq naammagittaalliuutigineqartarpoq sunalu tamarmi nikallunganartutut misigisimanartarluni, Henrik Dam nassuiaavoq.

Taartarnera issinneralu taaqqunganermik misigisimalersitsisarput.

Ækvatorip nalaani najugaqartut taartalernerani taaqqunnganermik nalaanneqarneq ajorput, avannarpasinnerusunili najugaqartut taaqqunganermik nalaanneqartartut amerlanerusarlutik.

Kalaallit Nunaanni misissuisitsinermi Kalaallit Nunaata Kujataani Avannaanilu najugaqartut assingiinngissusiat takuneqarsinnaasimavoq. Kujasinnerusumi najugaqartut taaqqunganermik nalaanneqartartut ikinnerusarlutik, Henrik Dam misissuisitsinermik ingerlatsisoq oqarpoq.