- Taamatut pisoqaqqinnissaa pinngitsoortissavarput

- Aalajangiinerit taamaattut soorunami piareersarluagaassapput, Peqqinnissaqarfiup neqeroorutaanut innuttaasut toqqissisimaqqullugit. Tamatumani pikkorippallaarsimanngilagut, tamannalu ajuusaarutigaarput. Taamatut pisoqaqqinnissaa sapin­ngisarput tamaat pinngitsoortinniassavarput", tusagassiuutinut nalunaarummi nassiunneqaqqammersumi, nakorsat pisortarigallagaannit Kent Kleinschmidtimit ilaatigut allanneqartumi taama allassimavoq.

Maniitsup Peqqissaaviani ernisarfiup maajip ulluisa aallaqqaataanni matuneqarnissaa ulluni kingullerni sammivarput. Ernisarfiup matuneqarnissaa sapaatip-akunnerata ataatsip matuma siornatigut pisortatigoortumik nalunaarutineqarpoq,  tamatumalu kingorna Maniitsup Sisimiullu peqqissaaveqarfiini sulisut tupaqqapput isornartorsiuteqarlutillu.