Taaguussinerit 70 procentii sinnerlugit kisinneqareerput – Siumut siuaqqavoq
![](/sites/default/files/styles/image_934x467/public/article_images/valgsted_2.jpg?itok=Pg7BAkFn)
Danmarkimi taaguussinerit tamarmik kisinneqareersut, nunatsinni taaguussinerit kisinneqaleruttorput.
Taaguussinerit 12.500-t 22:05-p missaanikisinneqareerput. Tassalu taaguussinerit 70 procentiisa missaat tassani kisinneqareerput.
Folketingimut 2019-mi qinersinermi taaguunneqarnerpaat ilaat maanna siuttuuvoq. Aki-Matilda Høegh-Damimi 22:05-p missaani 3.793-nit taaguunneqarpoq.
2019-imi qinersinermi katillugit 3.475-init taaguunneqarpoq.
AAMMA ATUARUK Taasinerit tamarmik kisinneqareerput – nunarpullu pingaarutilimmik inississinnaavoq
Naalagaaffiup sinniisuata, Julie Præst Wilchep, kommunit suleqatigalugit folketingimut nunatsinni qinersineq akisussaaffigaa, qinersinerullu inerneranik akuersisussaalluni. Qaqugu taamaaliussanerluni suli siulittuutigerusunngilaa, nalinginnaasumilli unnuaqeqqata missaani naammassisartut oqaatigaa.
Danmarkimi taaguussinerit tamarmik kisinneqareersut
Danmarkimi qinersisut tamarmik maanna kisinneqarput.
Danskillu qinersineranni inernerit ersarilluanngillat:
Saamerliit 87-inik qinigaatitaqarput.
Talerperliit 73-inik qinigaatitaqarput.
Tassa imaappoq taakku arlaannaalluunniit 90-inik qinigaatitaqanngillaq – taamaalillutillu tamarmik amerlanerussuteqalersinnaanatik.
Atlantikup avannaaneersut saamerlerneernerusuusut
Tamatumalu nunanit avannarlerni qinersinernut soqutiginarluinnarsitsilersinnaapput. Nunarpummi Folketingimut marlunnik qinigaqartussaavoq, ilimagineqartutullu tamanna inerneqassaguni Siumut Inuit Ataqatigiillu Folketingimiittuuteqaleqqissapput. Taakkulu tamarmik saamerlerneersumik ministeriunerulertussamik tapersiiniarput.
Savalimmiuni Javnaðarflokkurinimeersoq Sjúrður Skaale taakkununnga ilaassappat, saamerliunerusunit qinikkat 90-iussapput, taamaasillutillu ataatsimik amerlanerussuteqaqqatalaassallutik