Søren Pind utoqqatserpoq
Sapaatip akunnerata naanerani facebookimi allaaserisamini Søren Pind allappoq, Jyllandip avannaani Østerild Klitplantage-ami anorisaatinik ikkussuinissamut atatillugu akerliussutsimik takutitsinerit , Norgemi Anders Behring Breivikip inuppassuarnik toqutaqarluni qanoq iliuuseqarnera assigigaat.
- Ingasattajaariniat imaaginnalivipput. Inuit amerliartorput namminneerlutik isummatik tunngavigalugit qanoq iliuuseqartartut. Soorlu Nørrebromi eqqissiviilliornerit. Oqaluffinnik tiguaanerit. Østerild Klitplantagemi akerliussutsimik takutitsinerit. Maannalu Norgemi ingasattajaarluni saatanip piliaasut assigusumik toqoraaneq, Søren Pind Facebookimi allappoq.
Østerildimi avatangiisit pillugit illersuiniaqatigiit Søren Pindimit Norgemi pisunut assersuunneqarnertik isumatsassimaarutigeqaat.
Tassalu maanna Søren Pind utoqqatserpoq, aammami paasigamiuk allaaserisani Norgemiunit isumattatsistsisoq.
Assersuussinini pillugu Søren Pind jp.dk-mut oqarpoq, Norgemi pisunut assersuussinini oqaaserujuusut isumaqanngitsut.
- Allakkama isumagigaluarpara maanna naammalesoq inuit namminneerlutik qanoq iliuuseqartarneri naammalersut. Soorunami pisut assersuutikka imminnut assersuunneqarsinnaanngillat. Taamalu allakkama ajuusaarutigaara, Søren Pind jp.dk.-mut oqarpoq.