Sverigemi aallaasersornerup kingorna unittut perulunngitsut
Inuit arfinillit Örebro Universitetshospitalimut unitsinneqarsimasut STV-p allaaseraa. Ikilerneqartut perulukkaluarput maannali aalaakkaanerupput.
Allattoq Ritzau
februaarip 05-at 2025 09:23
Nutserisoq Mads Lynge
Sverigemi illoqarfimmi Örebromi atuarfiit ilaanni ippassaq aallaasersortoqarmat inuit aqqanilinnit ikinnerunngitsut toqutaapput, arlallillu ikilerneqarlutik.
Inuit arfinillit napparsimmavimmi uninngasut pingasunngornermi ullaakkut ajunngitsut nalunaarutigineqarpoq.
Nutaarsiassaqartitsivik SVT taama allaaserisaqarpoq:
- Ajunngillat. Ikilerneqartut perulukkaluarput maannali aalaakkaanerullutik, Sverigemi oqartussat oqartut SVT allappoq.
Angutit sisamat arnallu marluk napparsimmavimmi uninngasut nutaarsiassaqartitsiviup TT-p allaaseraa. Tamarmik 18-ileereersimasuupput, Örebro Universitetshospitalimi uninngallutik.
