Sverige Natomut ilaasortaassanerluni suli aalajanginngilaq

Svenskit naalakkersuisuisa isumannaannissaq pillugu politikkikkut qulaajaaneq 13. maaji saqqummersussaq Nato pillugu aalajangernissaminnut utaqqivaat.
Tallimanngornermi Sverigep nunanut allanut ministeria Ann Linde aamma Finlandip nunanut allanut ministeria Pekka Haavisto (talerpilleq) Helsinkimi ataatsimiipput. Assi © : RitzauScanpix
Allattoq Ritzau
apriilip 29-at 2022 09:45
Nutserisoq Per Rosing

Tallimanngornermi Sverigep nunanut allanut ministeria Ann Linde Finlandip nunanut allanut ministeria Pekka Haavisto Helsinkimi ataatsimeeqatiginerani oqarpoq Sverige Natomut ilaasortaanissamut suli aalajangigaqanngitsoq.  

Reuters taama allappoq.

Svenskit naalakkersuisuisa isumannaannissaq pillugu politikkikkut qulaajaaneq 13. maaji saqqummersussaq aalajangernissaminnut utaqqivaat. Aatsaat tamatuma kingornatigut Sverige aalajangernissaminut piariissaaq Finlandimiut aviisiat Hufvudstadsbladet naapertorlugu.

Sisamanngormat Svenskit ministeriunerat Magdalena Andersson oqarpoq Nato-mut ilaasortaanissaq pillugu inunnik taasisitsinissaq itigartitsissutigalugu. Isumaqarpoq nunami inuit avissaartuutissutigilissagaat Ruslandillu inuit attaveqaqatigiittarfiisigut nutaarsiassanik eqqungitsunik siaruarterilernissaa aarlerissutigaalugu.

- Assigiinngitsut pissutigalugit isumaqarpunga tamanna isumassarsiaq pitsaasuunngitsoq. Apeqqut tamanna inunnuyt taasissutigissallugu naleqqutinngilaq, TT naapertorlugu oqarpoq.

Inatsisartuni Riksdagen-imi partiiit tamarmik tamanna isumaqartigaat Vänsterpartiet kisimi pinnani.

Finland aamma inunnik taasisitsiumanngilaq. Ministeriuneq Sanna Marin oqarpoq Finalndimi inatsisartuni tamanna aalajangerneqassasoq.

Efter Ruslandip  invasion i Ukrainemik sakkutuuliinerata kingorna Natomut ilaasortaanissamik tapersersuineq Sverigemi Finlandimilu assut annertusivoq.  

Sapaatip akunnerata siuliani Sanna Marin Stockholmimut tikeraarnermini Finlandip aalajangernissaanut sapaatip akunneri ikittuinnanngortut oqarpoq.