Sverige peqqarniisaarniaq pillugu ilisimatinneqarsimanngitsoq

Sverige peqqarniisaarniaq pillugu paasissutissanik nutaanik pisimanngitsoq, oqaaseqartartoq, Victoria Bell, nutaarsiassaqartitsivimmut TT-mut paasissutissiivoq.

Usbekistanip nunanut allanut tunngasunut ministeriata, Abdulaziz Kamilovip, tallimanngornermi oqaatigaa svenskit usbekereq pillugu ilisimatinneqarsimagaluartut.

- Saassussisup saassussinera sioqqullugu pinerluttuliornermik iliuuserisarsimasai pillugit paasissutissat isumannaallisaanermi politiitsinnit kitaani suleqatigisartakkatsinnut ingerlateqqinneqarnikuupput, taamaasiornikkut Sverige ilisimatinneqarniassammat, ministeri, Reuters naapertorlugu, oqarpoq.

AAMMA ATUARUK Stockholm Lastbili inuit katersuuffigisaanni apuisoq

Kikkulli suleqatitik kalerrissimanerlugit, taassuma oqaatiginngilaa.

Peqqarniisaarniaq, Rakhmat Akilov, Islamisk Statimik suleqateqartoq, ministerip aamma ilumoornerarpaa.

AAMMA ATUARUK Stockholmimi saassussineq Pilutap suliffiata eqqaani pivoq

Sverigep isertortumik paasiniaasartui, Säpo, usbekistanimiu pillugu paasissutissanik Sverigemut anngussisoqarsimanersoq aperineqaramik, ima akipput:

- Tusarliussanik uppernarsarsinnaanngisatsinnik pinikuunerput oqaatigereerparput, tamannali siorna pivoq, paasiniaasartut oqaaseqartartuat oqarpoq.

/ritzau/