Stockholmimi saassussineq Pilutap suliffiata eqqaani pivoq
Pilutaq Larsen Ström suliffimmini Semrén & Månsson Arkitektkontor AB-mi Stockholmip qeqqaniittumi saassussisoqarfimmit 200 meterit missaannik ungasitsigisumiippoq.
Pilutaq Larsen Ström unikkallarnerup nalaani suleqatinilu igalaap eqqaani kaffisorujoortillutik inuit tupaqqaqalutik arpallutik saneqqualerput.
- Ungasinngisatsinni aqqusinermi nalasoqartoq inuillu qimarrattut takusinnaavagut, Pilutaq Larsen Ström KNR-imut oqaluttuarpoq.
Taassuma aamma oqaluttuaraa StockHolmimi politiit assiaqusersuisimasut, illoqarfillu inoqarpianngitsoq. Angallanneq unitsinneqarsimasoq aamma oqaatigaa. Pilutaq suleqatinilu suliffitsik qimaqqusaanngikkallarpaat.
Inuit toqqissisimanngillat aqqusinernilu qissattut takuneqarsinnaalutik.
Pilutaq Larsen Ström pisoq aalassassimaarutigaa.
- Pisoq eqqarsaatigissagaanni ajunngilanga. Suliffipput qimaqqusaanngilarput. Suliniarsarigaluarpunga kisianni suliniarneq ajornaqaaq, Pilutaq oqaluttuarpoq.
Pilutaq Larsen Ström Facebookimini ilaquttani ikinngutinilu eqqissisarpai ajunnginnerarlunilu.
AAMMA ATUARUK Stockholm Lastbili inuit katersuuffigisaanni apuisoq