Svend Hardenberg kommunaldirektørinngussaaq
-Soorunami piginnaasaqarnera sallerpaajuvoq. Ilinniarluarsimassuseq. Aammalu Kalaallit Nunaanni misilittakkat, aaqqissuussaanermik aamma kulturikkut nalunngisaqarnissaa pingaartinneqarnikuupput, borgmester Jess Svane oqarpoq nassuiaallunilu pisortaqarfinni inuiaqatigiinnilu assigiinngitsutigut misilittagaqarluarsimanera pingaartinneqarluni aamma isiginiarneqartoq.
Pisortanngortussap Svend Hardenbergip kommunimullu qinersereernerup kingorna kommunalbestyrelsemut ilaasortanngortussat kommunip killiffianik misissuinissaat naatsorsuutigineqarpoq.
-Pingaarnerpaajuvoq marsimi kommunip pilersaarusiorneqarnerata aalajangiiffigineqarnissaa, tassaniipporlu innuttaasut najugaqarfimminni ineriartortitsinissamut kissaataat, tassa taanna atorfilittatta sulinissaanut tunngaviussaaq, Borgmester Jess Svane oqarpoq nassuiaalluni atorfimmut arlallit soqutiginnillutik qinnuteqarsimanerat nuannaarutigisimallugu.
