Sungiusaasut akissarsiaqartinneqartalerlik

Sungiusaasut akissarsiaqartinneqartalernerisigut timersortartut akornanni imigassamik ikiaroornartumillu atuinerujussuaq pinaveersaartinneqarnerusinnaavoq, taama isumaqarpoq Arqalo Skifte ukiorpassuarni timersortartuusoq.
Allattoq Najaaraq Egede
oktobarip 01-at 2009 08:39

- Imigassaq ikiaroornartorlu timersortartut akornanni ajornartorsiutaavoq, allaat ukiukitsuni aamma atugaalluni, tamannalu ajuusaarnaarpoq nukillalaarnarlunilu , Arqalo Skifte oqarpoq.

Taanna isumaqarpoq timersortartut sungiusaasartullu pinaveersaartitsinermi akuunerutinneqarnerusinnaasut.

- Imigassamik ikiaroornartumillu atuinerup kingunerisaanik timersortartut pisinnaasaat anguniagaallu apparaluattuinnarput, Aqqalu Skifte oqarpoq.

Timersortartut ilisimaneqarluartut pinaveersaartitsinermi atorluarneqarsinnaanerat Aqqalu Skiftep ujartorpaa. Timersortartut sungiusaasartullu timersornerup silarsuaanik paasitsiniaanerugunik, tamanna pinaveersaartitsinertut atorneqarsinnaanerat Aqqalu Skiftep takorloorpaa.

Timersornermik sungiusaasartut kommuuninit atorfeqartinneqarlutik pinaveersaartitsinermik aamma suliaqarsinnaanerat, Aqqalu Skiftep eqqarsaatigaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq