Sulorartartut Islandiliassapput

Islandimut sungiusariaqatigiinnissamut unammisartut 16-it toqqarneqarput sungiusaqatigiinnerlu 2013-imi februaarimi pissaaq. Atit ilisarnartut arlaqarput aammali inuusuttut inersimasuni nunanut allanut unammisartuniinnermut misiliitinneqassapput.

- Ulluni marlunni sungiusaqatigeereerutta unamminermi peqataassaagut, nuna tamakkerlugu sungiusaasoq Bjarne Nielsen KNR-imut oqarpoq.

Siornatigut nunatsinni pissartaq Mille Kongstad peqataaqqilerpoq ukiup aappaa affaq ajoqusernini pissutigalugu uninngareerluni unammisaleqqikkami. Taassuma siornatigut maanna nunatsinni pissartaq Sara Lindskov Jacobsen unammisimanngilaa. Arnat pikkorissut taakku marluk Island Gamesimi holdikkaarluni unamminissami pingaaruteqarluinnartussaapput.

- Mille Kongstad arriikkaluamik piareeriartorpoq. Taamaammat pissanganarpoq sungiusaqqilernermini sumut killissimanersoq, Bjarne Nielsen oqarpoq.

Angutit aamma pikkorissunik unammisartoqarpoq. Tassaniippummi siornatigut Island Gamesimi pissartat Bror Madsen aamma Frederik Elsner. Taatsi Pedersen aamma Jens Frederik Nielsen maanna Danmarkimi unammisartut aamma peqataapput.

- Toqqarallakkat suli ilaqqissinnaalluarput, Bjarne Nielsen oqarpoq.

Toqqakkat tassaapput:
Angutit:
Frederik Elsner, B-67
Ukatu Kristensen, JBF
Nikki Nathansen, Tennis Klubben
Karl Jakob Thomassen, JBF
Jens Frederik Nielsen, BKN
Taatsi Pedersen, BKN
Bror Madsen, JBF
Nikki Løvstrøm Mathiessen

Arnat:
Mille Kongstad, BKN
Sara Lindskov Jacobsen, B-67
Rina Møller Lorentzen, B-67
Hansigne Broberg, ABK
Ivalo Olsen, JBF
Tina Madsen, B-67
Paninnguaq Davidsen, JBF
Asta Helms, B-67