Suliassaqarfimmik nuussinissap kinguartinnissaa ataatsimiititaliamit kissaatigineqartoq
Suliassaqarfiit naalagaaffimmit nunatsinnut nuunneqarnissaat pillugu Naalakkersuisut nassuiaammik suliaqarnissaannut peqquneqarnissaat Inatsisartut tamarmiullutik 2015-imi ukiakkut ataatsimiinnermi akuersissutigaat.
AAMMA ATUARUK Rapport afgør om arbejdsmiljø skal hjemtages
Nassuiaallu kingusinnerpaamik aappaagu upernaakkut ataatsimiinnermi saqqummiunneqareerpat siunnersuut Inatsisartunit aatsaat isummerfigineqartariaqartoq, ataatsimiititaliamit isumaqarput.
- Suliassaqarfiit naalagaaffimmit nunatsinnut nuunneqarnissaannik sulineq inuussutissarsiornermut aatsitassanullu ataatsimiititaliamit tunngaviusumik tapersersorneqarpoq. Nunatsinnulli nuussinerit naalakkersuinikkut ataqatigiissaakkamik aammalu ataatsimut pilersaarusiornerup tulleriiaarinerullu kingorna ingerlanneqartariaqarput, inuussutissarsiornermut aatsitassanullu ataatsimiititaliami siulittaasoq, Peter Olsen tusagassiuutinut nalunaarummi allappoq.
Pilersaarutit malillugit suliassaqarfiup nuunneqarnissaanut siunnersuut upernaakkut ataatsimiinnermi maajip ulluisa 18-ianni oqallisigineqarnissaaq.