Suliumajunnaartoqassangilaq

Air Greenland aamma saqisut ippassaq unnukkut nutaamik isumaqatigiissuteqarput, suliumajunnaarnissaraluarlu taamaatiinnarneqarpoq. Timmisartuussinerillu naliginnaasumik ingerlanneqaannassasut, Air Greenland nalunaaruteqarpoq. - Illuatungeriit isumaqatigiissutigisinnaasatsinnik angusaqarpugut, Air Greenlandimi tuniniaarnermut nittarsaassinermullu pisortaq Christian Keldsen oqarpoq.
Allattoq Oline I. Olsen
juulip 23-at 2009 03:50

Air Greenland aamma Air Greenlandimi saqisut peqatigiiffiat ACU piffissaq kingulleq atorlugu nutaamik isumaqatigiissuteqarput, suliumajunnaarnissarlu taamaatiinnarneqarluni.

- Saqisullu nutaamik unnummut isumaqatigiissuteqarpugut, Air Greenlandimi tuniniaanermut nittarsaassinermullu pisortaq Christian Keldsen radioaviisimut oqarpoq.

- Naliginnaasumik timmisartuussisarnigut ingerlatiinnassavagut, ilaasut ulluni kingullerni angalanissaminnik allanngortitsisut taanna pigiinnarsinnaavaat imaluunniit allanngortitsitsinnginnermi pilersaarutiminnut allanngortitseqqissinnaapput, inissaqarneq apeqqutaatillugu, Christian Keldsen oqarpoq. Ilaasussallu annerusumik paasisaqarusukkunik, taava 34 33 44-mut sianersinnaapput.

Isumaqatigiissut nutaaq saqisunit sapaatip akunnerani aggersumi taasissutigineqassaaq, inerneralu augustip 11-ani saqqummiunneqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq