Kulturi KNR pillugu nutaarsiassat

KNR Sulisoqarnermi pisortaq nutaaq

KNR-ip 50-inik ukiulik John Thorsen septemberip aallaqqaataaniit atuutilersumik sulisoqarnermi pisortassatut atorfinitsippaa, John TELE-POST-imi massakkut sulisoqarnermi immikkoortortaqarfimmi ulluinnarni ingerlatsisuuvoq.
Assi © : KNR / John Thorsen
Allattoq Paasissutissat KNR / KNR Info
aggustip 24-at 2016 11:59

John Thorsen politiitut ilinniarsimavoq, aammalu Kangerlussuarmi, Paamiuni, Maniitsumi Nuummilu politeeqarfinni pisortatut atorfeqartarsimalluni, 2009-mi TELE-POST-mi sulisunik ineriartortitsinermik suliaqarsimalluni aammalu kingusinnerusukkut sulisoqarnermi immikkoortortaqarfimmi ulluinnarni aqutsisutut atorfeqarlersimalluni. 

John Thorsen nuliaqarpoq, inersimasunik sisamanik meeraqarluni, sulinngiffimminilu timersoqatigiiffilerinermik aallutaqarluni. Kalaallit Nunaanni Arsaattartut Kattuffianni (GBU) siulittaasuuvoq aammalu Timersoqatigiiffiit Kattufiata (GIF) siulersuisuinut ilaasortaalluni. Ukiorpaalunnilu NÛK-p arnani arsaattartuinut sungiusaasuusimalluni.

John Thorsenip tarserpaa sulisoqarnermik- aningaasaqarnermillu pisortaq Anna Heilmann, juulip aallaqqaataaniit KNR-imi pisortaanerup tullersortaatut atorfinittoq.

Paasissutissat sukumiinerusut ukunani pissarsiarineqarsinnaapput: KNR-imi pisortaq, Karl-Henrik Simonsen khs@knr.gl oqarasuaat +299 36 15 00

Aamma atuaruk

KNR pillugu nutaarsiassat

KNR-imit Anita Cramer Corpas KNR-ip nutaarsiassaqartitsiviani pisortanngussaaq

Kulturi

Aki-Matilda Høegh-Dam: Isummamik allanngortitsinngilagut – avataarsuata ujaraa angerlartinneqassaaq

På billedet ses et komplet skelet af den dinosaur, som er fundet i Østgrønland. Fossilerne er nu pakket ned og kan sendes til Grønland, hvis Grønlands Nationalmuseum og Arkiv ønsker det.
Kulturi

Nunatta Katersugaasivia Allagaateqarfialu allamik qinigassaqannginnami: Dinosaurit saarngi ukiut qulit sinnerlugit atukkiukkai