Sulinermi pisinnaatitaaffiit piumasaqaataat atortussanngortinneqartut
Namminersorlutik Oqartussat naalakkersuisullu sinnerlugit, danskit suliffeqarnermut ministeria, Troels Lund Poulsen naalagaaffiit peqatigiit sulisoqarneq pillugu suliniaqatigiiffiata pisortaanut taama nalunaaruteqarpoq.
Nunarput Danmark aqqutigalugu ILO-mut ilaasortaammat tamanna pivoq.
ILO tassaavoq nunarsuarmi tamarmi suliffeqarnermi pisinnaatitaaffiit minnerpaaffissaannik qulakkeeriniarnermik sulissuteqartoq.
Nunatta ILO-p pingaarnerutitaanit arfineq pingasunit pingasut atuutsilereerpai. Maannakkullu ataffigilikkami nunatta pisinnaatitaaffiit allat tallimat atuutsilissavai.
Taakkulu tassaapput meeqqanik sulisoqarnissamik inerteqquteqarneq, minnerpaamik 15-inik ukiulinnik sulisoqarnissamik killiliineq, arnat angutillu akornanni assigiimmik akissarsiaqartitsineq, sulinermi ilinniagaqarnermilu kinaassusersiunnginneq, ataatsimoorussamillu isumaqatigiinniarnissamut pisinnaatitaaffeqarneq.
Nunatta pingaartitat tallimat taakku 2021-mi atuutsileriissavai.