Suliffissaaleqisut ikiliimipput

Nunatsinni suliffissarsiortutut nalunaarsorneqarsimasut ikilerialaarsimapput. Tamanna Naatsorsueqqissaartarfiup nunatsinni illoqarfinni kisitsisaataanni atuarneqarsinnaavoq.
Kommuneqarfik Sermersuumi artukkerneqarnissaq ernummatigineqarpoq. Assi © : KNR
Allattoq Hagen Højer Christensen, Knud Reimer
januaarip 15-at 2013 07:15

Suliffissarsiortutut nalunaarsorneqarsimasut 2011-mi 3.273-iniit 2012-imi 3.169-inut ikileriarsimapput, tassa 109-nik ikileriaateqarsimallutik.

Angutit suliffissarsiortut suli amerlanerpaajuarsinnarput, arnallu suliffissarsiullaqqinneroqqissimallutik. Angutit 2.000-t qaammat kingulleq suliffeqanngillat, arnat 1.300-t suliffissarsiortutut nalunaarsorneqarsimasut.

Inuusuttut suliffissaaleqisut aamma ikileriaateqarsimapput. Inuusuttut 18-it 29-llu akornanni ukiullit 1.151-it 2011-mi suliffissaaleqisutut nalunaarsorneqarsimariarlutik, 2012-ip naalernerani 100-t missaanik ikileriaateqarput, tassa 1.045-t suliffissarsiortutut nalunaarsorsimagamik.

Utoqqasaat suliffissaaleqisuni ikileriaateqannginnerpaasimapput. Tassami 45-niit 54-it tungaanut ukiullit akornanni 860-it suliffissarsiortutut 2011-mi nalunaarsorneqarsimapput, siornalu 2012-mi ikileriaateqarsimanatik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq