Suliffissaaleqisut ikileriaqqittut

Januaarimi 2015-imi nuna tamakkerlugu 4.402-t suliffissarsiortutut nalunaarsorsimapput taakkunannga 737-t nunaqarfinni nalunaarsorneqarsimallutik. Suliffissarsiortut, 552-inik ukiup siulianut januaarimut sanilliullugu ikileriarput.
 
Ukiut tallimat kingulliit ingerlaneranni januaarip qaammataani suliffissarsiorlutik nalunaarsimasut, 2015-imi suliffissarsiortutut nalunaarsimasunut sanilliullugit taamaallaat 2011-mi ikinnerusimapput.

AAMMA ATUARUK Suliffissaaleqisut arriittunnguamik ikiliartorput

Illoqarfinni suliffisarsiorlutik nalunaarsimasut siorna 4.077-ioriarlutik ukiormanna piffissami tassani 3.665-inut ikileriarsimapput soorluttaaq nunaqarfinni suliffissarsiorlutik nalunaarsimasut ikileriarsimasut. Nunaqarfinni suliffissarsiorlutik nalunaartut siorna 877-iupput ukiormanna 737-iullutik.

Naatsorsueqqissaartarfiup kisitsisaataani illoqarfinni nunaqarfinnilu suliffissarsiorlutik nalunaarsimasut ikileriarsimanerat amerleriarsimanerallu naatsorneqarsimapput,  Naatsorsueqqissaartarfiulli saqqummiutinngilaa suliffissarsiorlutik nalunaarsimasut allannguutaat sumit aallaaveqarnersut - nalinginnaasumimmi ukiukkut suliffissaaleqisut amerlanerusarmata.

AAMMA ATUARUK Suliffissaaleqisut ikileriarsimapput

Suliffisarsiorlutik nalunaarsimasut amerlanersaat angutaapput, tamannalu illoqarfinnut nunaqarfinnullu atuuppoq.  

Illoqarfinni angutit suliffissarsiortut 2.218-iupput arnat 1.447-iullutik.

Nunaqarfinni angutit suliffissarsiorlutik nalunaarsimasut aamma amerlanerupput. Angutit 381-it arnallu 356-it.
Suliffissaaleqisuni 19-init 34-nut ukiullit amerlanersaapput.

Soorluttaaq 44-nit 59-inut ukiullit suliffissarsiortutut nalunaarsimasut amerlasut, naatsorsueqqissaartarfiup kisitsisaataanni takuneqarsinnaapput.