Suliffeqarfinnut inuttut pisinnaatitaaffiit pillugit malitassiaq nutaaq
Nunatsinni suliffeqarfiit inuttut pisinnaatitaaffiit pillugit qanoq suliaqarnissaminnut siullerpaamik malitassaqalerput.
Malitassiaq nunatsinni suliffeqarfinni anginerni apersuinernik misissuinernillu arlalinnik toqqammaveqarpoq, nunatsinnullu tunngatillugu susassaqarfiit unammillernartullu immikkut sammineqarlutik.
Naalagaaffiit Peqatigiit Inuttut pisinnaatitaaffiit Inuussutissarsiornerlu pillugit aalajangersagaannik aallaaveqarpoq aallartilluarnissamullu taaguutinut tunngasunik, periaatsinik siunnersuutissanillu pingaarnernik imaqarluni.
Malitassiaq eqqartuussissuserisup Thomas Trier Hansenip Rikke Kolbechillu Transparency International Greenlandimut Sulisitsisullu peqatigiiffiannut suliaraat, Inuillu Pisinnaatitaaffiinut Kalaallit Nunaata Siunnersuisoqatigiivi malitassiap saqqummersinneqarneranut aningaasaleeqataapput.
- Inuttut pisinnaatitaaffiit nunarsuaq tamakkerlugu najukkamilu sammineqaleriartuinnarput, taamaammat malitassiaq atorluarneqarsinnaavoq - aamma sakkussamik taama ittumik Kalaallit Nunaanni suliffeqarfinnorpiaq aatsaat suliaqartoqarpoq. Nunani tamalaani saqqummersitanut siammasinnerusunut naleqqiullugu pitsaaneruvoq, Thomas Trier Hansen, Nordic Law Groupimi eqqartuussissuserisutut sulisoq inuttullu pisinnaatitaaffiit pillugit suliaqartarnerminik ilisarisimaneqarluartoq taama oqarpoq.
Malitassiaq uani pissarsiarineqarsinnaavoq.
