Suliffeqarfiit sulisutik saliitinniaraat

Puussiat igitat, puujaasaaqqat plastikkinik sanaat, mamakujuillu puukui pinngortitamiiittut illoqarfimmiittullu katersorneqarnissaannut maanna piffissanngorpoq.
Assi © : Suzanne Hamilton/Flickr Creative Commons
Allattoq Anton Gundersen Lihn
juunip 15-at 2017 10:39

Nuummi Ilulissanilu suliffeqarfiit saliinissaat, Saligaatsumik taaguuteqartinneqartoq, ullumi juunip ulluisa 15-anni pissaaq. Illoqarfinni allani suliffeqarfiit aamma saliissapput. 

Aasianni suliffeqarfiit arfininngormat saligipput, saligisoqarneranilu 65-it missaannik amerlatigisut peqataapput. 

Sisimiuni suliffeqarfiit ippassaq saligimmata suliffeqarfiit aqqanillit peqataapput saligisut 100-nik sinneqarlutik. 

Nuummi suliffeqarfiit 42-it inuillu saligisut 547-it  ullumi nalunaaqutaq marlunut saligissapput. Ilulissani suliffeqarfiit tallimat nalunaaqutaq qulinut tassa maannakkut saligillutik aallartipput. 

Suliffeqarfiit saligitinneqartarnerat  Saligaatsumik taaguuteqartinneqartoq ukioq 2010-mi aallartinneqarpoq, siunertaalluni illoqarfimmi taassumalu avataani pinngortitami saliginissaaq.

Saligaatsoq suliffeqarfimmit CSR Greenlandimit aallartinneqarpoq, tassani peqataapput Air Greenland, GrønlandsBANKEN  Nunatsinni Sulisitsisut Peqatigiiffiat, Royal Arctic Line  Kompetancekompagnimillu. Pilersitsinermi aallaavigineqarput Kalaallit Nunaanni inuit atugaasa iluini unamminartorpassuit pilersikkumaneqarluni ingerlanneqartut assigiinngitsut akimorlugit suleqatissarsiorlunilu oqaloqateqartalernissaq, soorlu illoqarfinni pinngortitamilu maangannaq iginneqarsimasut katersorneqartarnissaat.

 

AAMMA ATUARUK Saligaatsoq naammassilluarpoq

 

Aamma atuaruk