ASSIT Saligaatsoq naammassilluarpoq
Sisimiuni Nuummilu ippassaq pingasunngornermi saliisoqarpoq.
Nuummi suliffeqarfinni assigiinngitsuni 35-ni sulisut 430-t tungaannoortut eqqakkat 5 tonsit missaat katersorpaat. Sisimiunilu suliffeqarfinni arfineq-marlunni sulisut 116-it peqataapput meeqqerivinniillu marlunnit meerarpassuit aamma peqataallutik.
Aamma atuaruk Saligaatsoq ukiut arfinilissaannik saliisitsilersoq
Paamiuni, Ilulissani Tasiilamilu sapaatit-akunnerata siuliani saliisoqarpoq.
Tasiilami saliineq juunip arfineq-pingajuani ingerlanneqarpoq, aputeqarpallaarnerali pissutigalugu juunip 14-iani saleeqqittoqarpoq, tamatumuuna Ittiminimi - mittarfiup eqqaani - saliisoqarluni.
Aqqartartut Nuup saavani aamma saliipput. Asseq: CSR Saligaatsoq.
Illoqarfiup qeqqani saliisut. Asseq: CSR Saligaatsoq.
