Suliffeqarfiit akiliisinnaajunnaarlutik matoorarput
Nunatsinni suliffeqarfiit arfineq-marluk novembarimi matusariaqarsimapput, siorna tamatuma nalaani akiliisinnaajunnaartuniit tallimanik amerlanerullutik, Danmarkimi paasiniaaqqissaartarfiup Experianip kisitsisaataani kingullerni tamanna takuneqarsinnaavoq.
decembarip 02-at 2009 07:30
Aningaasaqarnikkut ajornartorsiorneq Nunatsinnut imatorsuaq sunniuteqanngikkaluarpoq, kisianni nunarsuarmi aningaasaqarnikkut ajornartorsiorneq Kalaallit Nunaanni Savalimmiunilu aamma sunniuteqarpoq. Savalimmiuni akiliisinnaajunnaartut siorna novembarimi sisamaariarlutik, ukioq manna 27-iupput.
Naalagaaffeqatigiit tamaasa eqqarsaatigalugit akiliisinnaajunnaartut novembarip qaammataani katillugit 599-iupput. Siorna decembarip qaammataanut naleqqiullugu amerlanerupput, aningaasaqarnikkummi ajornartorsiorneq Danmarkimi nunarsuullu sinnerani inuussutissarsiornikkut inuunermut taamani sunniuteqarnerpaammat. Suliffeqarfiit 596 siorna juullip qaammataani matusariaqarsimapput.
