Suliaritinnissat tamarmik pinartuunngitsut coronavirusi pissutigalugu kinguartinneqartut
Nunatsinni timmisartuussinerup tallimanngornermi marsip 20-ani nalunaaqutaq 23.59-imit matuneqarnissaa peqqinnissaqarfimmut kinguneqassaq.
Suliaritittussatut pilersaarutaasut, nakorsiartussat, nakkutigineqarlutillu misissorneqartussat coronamik tuniluuttoqarunnaarnissaata tungaanut kinguartinneqarput. Peqqinnissaqarfiup aqutsisoqarfiani pisortaq, Malene Marie Nielsen oqarpoq.
AAMMA ATUARUK Air Greenland: Billettit tamaasa utertissavagut
- Katsorsaanerit suliassallu napparsimasup peqqissusaanut sunniuteqartussaanngitsut kinguartinneqarsinnaasut kinguartinneqarput. Piffissaannik allannguiffiusut piffissami kingusinnerusumi nutaamik piffissaliiffigineqarumaarput, aqutsisoqarfiup pisortaa, Malene Marie Nielsen oqarpoq.
Attavigineqassaatit - sianernak
Assersuutigalugu seeqquusalersittussat coronaviruseqarnerata qaangiunnissaata tungaanut unitsinneqarput.
Piffissaliussanilli taamaatitsiinnarnerit napparsimasunut peruluuteqartunut assersuutigalugu kræfteqartunut kinguneqassanngilaq. Napparsimasut taakku katsorsarneqarnerat nalinginnaasumik ingerlanneqassapput.
AAMMA ATUARUK Tamaat isigalugu: Coronavirus pillugu killiffik
Peqqinnissaqarfiup napparsimasut pilersaarutaasunik allannguiffiusut nammineerluni attaveqarfigissavai. Tamanna ulluni qaninnerni pissasoq, peqqinnissaqarfik paasissutissiivoq. Napparsimasullu nammineerlutik sianernatik peqqinnissaqarfiup attaveqarnissaa utaqqissaat kaammattuutigalugu.
